Ministria e jashtme e Shqipërisë ka treguar mbeshtetjen e saj për Marrëveshjen e arritur dje në Paris për zbatimin e Konventes mbi Ndryshimet Klimatike.
Shqipëria, si partnere me kontribut konkret në përpjekjet e përbashkëta, paraqiti angazhimet e saj kombëtare që në tetor 2015 dhe është tërësisht e angazhuar të zbatojë me rigorozitet angazhimet e marra per të pakësuar emetimin e dioksidit të karbonit 11.5 % deri në vitin 2030.
Marreveshja e Parisit do të shërbejë për të trajtuar edhe çështje të tjera të mëdha si siguria e ushqimit, shëndeti publik, lufta kundër varfërisë, dhe të drejtat themelore, duke kontribuar kështu në mënyrë të drejpërdrejtë për paqen dhe sigurinë në botë.
Të gjitha vendet, pa përjashtim, angazhohen në mënyrë serioze për të zbatuar objektiva të qartë e të njëpasnjëshëm për të pakësuar ndjeshëm rreziqet dhe ndikimet nga ndryshimi i klimës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
