Gjykata e Lartë në Turqi ka miratuar ekstradimin në Shqipëri të Izet Haxhisë. Haxhia jetonte prej vitesh në Turqi, ndërsa në Shqipëri është dënuar me 25 vjet burg për vrasjen e Azem Hajdarit, ngjarje e ndodhur në shtator 1998.
Gjatë gjithë këtyre viteve Haxhia dhe Berisha kanë shkëmbyer akuza të forta për njëri-tjetrin. Ish-truproja i Berishës e ka akuzuar shpesh këtë të fundit përmes shkrimeve në media për eliminimin e Azem Hajdarit.
Azem Hajdari u ekzekutua mbrëmjen e 12 shtatorit 1998, pak metra larg selisë së PD-së në kryeqytet.
Në atentat u vra edhe truproja i tij, Besim Cera nga Dibra.
Për vrasjen e ish-liderit të dhjetorit u akuzuan dhe u dënuan Jaho Mulosmani si dhe tre vëllezërit, Izet, Ismet dhe Isamedin Haxhia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
