Dënim me vdekje për emigrantët e paligjshëm që vrasin një amerikan.
Ky është premtimi i kandidatit republikan Donald Trump në një takim elektoral në Aurora të Kolorados.
Nga Kolorado, Trump nis operacionin “Aurora” i cili synon dëbimin masiv të emigrantëve të paligjshëm, duke përshkruar një Amerikë “të pushtuar” nga emigrantët e paligjshëm.
“Këtu në Kolorado bëj këtë zotim: 5 Nëntori 2024 do të jetë Dita e Çlirimit në Amerikë”, shtoi ai, i rrethuar nga postera të kriminelëve të huaj të dyshuar.
Trump synon përdorimin e Aktit të Armiqve të huaj të vitit 1798 për të çmontuar çdo rrjet kriminal të emigrantëve që operojnë në tokën amerikane.
“Në 5 nëntor do të shpëtoj të gjitha qytetet që janë pushtuar”, tha ish-presidenti amerikan.
Trump foli para një muri ku ishin shtypur fjalët “deportoni të gjithë emigrantët e paligjshëm tani”, shoqëruar me fotot e dy emigrantëve që ishin anëtarë të “El Tren de Aragua”, grupi kriminal më i fuqishëm në Venezuelë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
