Një ngjarje e rëndë raportohet të ketë ndodhur mbrëmjen e sotme në lagjen “Partizani” në Përmet, ku një 24-vjeçar dyshohet se në gjendje të rëndë depresive ka mbytur nënën e tij. Sipas policisë, autori është arrestuar dhe është shoqëruar në Komisariat për veprime të mëtejshme proceduriale.
Njoftimi i policisë:
Më datë 03.06.2023, rreth orës 21:00, në lagjen “Partizani”, Përmet, dyshohet se në gjendje depresive, shtetasi A. M., 24 vjeç, ka mbytur nënën e tij, shtetasen Z. M., 65 vjeçe.
Shërbimet e Policisë, menjëherë pas marrjes së njoftimit janë vënë në ndjekje të autorit dhe kanë bërë të mundur kapjen dhe shoqërimin e tij në ambientet e Komisariatit të Policisë Përmet, për kryerjen e veprimeve të mëtejshme.
Në vendngjarje ndodhet grupi hetimor dhe nën drejtimin e Prokurorisë vijon puna për sqarimin e plotë të rrethanave të ngjarjes.
Sipas burimeve nga policia, Albi Muhollari ka qenë në gjendje të rënduar depresive kur ka kryer vrasjen e nënës së tij Zeniat Muhollari. Ai dyshohet se e ka mbytur me plastmas, ndërsa të dy prej kohësh kanë jetuar në Amerikë, por ishin kthyer vetëm 4 ditë më parë në Përmet për pushime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
