Shtetet e Bashkuara nuk do ta marrin dot Groenlandën.
Kështu i është përgjigjur kryeministri i ri, Jens-Frederik Nielsen deklaratave të fundit të Donald Trump se do të marrë kontrollin e ishullit me çdo kusht.
Presidenti Trump thotë se Shtetet e Bashkuara po marrin Grenlandën. Më lejoni të jem i qartë: Shtetet e Bashkuara nuk do ta marrin dot. Ne nuk i përkasim askujt tjetër. Ne e vendosim vetë të ardhmen tonë.
Postimin kryeministri e ka bërë në platformat sociale vetëm pak orë pasi Presidenti i SHBA-ve tha gjatë një interviste në NBC News, se SHBA do ta marrë Groenlandën 100% dhe se nuk përjashtonte asnjë skenar që do të nevojitet për të arritur këtë qëllim.
Nielsen, 33-vjeç, u betua si kryeministri më i ri i Groenlandës të premten. Në konferencën e tij të parë për shtyp si udhëheqës, në qytetin e tij të lindjes ai bëri thirrje për unitet politik dhe për të luftuar presionet e jashtme.
Ish-ministri u betua disa orë përpara se një delegacion i profilit të lartë i kryesuar nga zëvendëspresidenti i SHBA, JD Vance, të mbërrinte në ishull.
Ndërsa ishte atje dy ditë më parë, Vance kritikoi qeverinë se nuk ka bërë punë të mirë për të mbrojtur Greonlandën, ndaj aneksimi është i pashmangshëm.
Groenlanda është një territor i Danimarkës, aleate e NATO-s dhe Shteteve të Bashkuara.
Prej muajsh, Trump ka shpallur synimin e tij për ta aneksuar territorin, duke argumentuar se është i nevojshëm për arsye të sigurisë kombëtare dhe ndërkombëtare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
