Duke folur për finalen e Conference League, e cila do të zhvillohet mbrëmjen e sotme në stadiumin “Air Albania”, ish-lojtari i Kombëtares, Eduart Abazi, deklaroi në edicionin e lajmeve në MCN TV, se UEFA bën mirë që evente të tilla i dërgon në shtete të ndryshme.
Sipas Abazit, kjo finale mes Romës dhe Feyenoord në Shqipëri, i jep një të ardhme të mirë futbollit dhe të rinjve shqiptar.
Në lidhje me mediat e huaja, Abazi tha se e kanë komentuar pozitivisht këtë finale, sidomos për stadiumin dhe infrastrukturën.
Për sa i përket këtij eventi, është shumë i rëndësishëm. UEFA bën mirë që i dërgon këto finale në shtete të ndryshme. Edhe këto evente kanë pjesën negative, siç janë përplasjet e tifozëve. Eventi i jep një të ardhme të mirë të rinjve për futbollin shqiptar. Mediat e huaja kanë folur me fjalë të mira për futbollin shqiptar, në përgjithësi për stadiumin.
Është diçka shumë e mirë për futbollin shqiptar, ku meritë ka FSHF. Nëse i marrim gjërat seriozisht do kemi një progres të madh. Kjo finale i jep të rinjve për të menduar të ardhmen në Shqipëri.
Finalet luhen me kujdes, por unë gjithmonë e kam simpatizuar shumë futbollin holandez. Besoj se loja do jetë shumë e vështirë për të dyja ekipet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
