Efektivi i FNSH-së Lutfi Gjyla, i cili plagosi me armën e shërbimit shtetasin Murteza Lika në ambientet e një lokali, ka qenë në gjendje të dehur.
MCN Tv mëson se pronari i lokalit ka deklaruar për policët se kishte urdhëruar kamarieret të mos i ofronin më birra.
Edhe pse në sallën e gjyqit Lufti Gjyla dëgjoi qetësisht vendimin për “arrest me burg” deri në fund të hetimeve, efektivi policisë s’ka pranuar të bëjë asnjë deklaratë.
Për Gjylen ka folur avokati mbrojtës i caktuar kryesisht nga gjykata, i cili ka ngritur alibinë për plagosje të lehtë të qytetarit Murteza Lika.
Ai pretendoi se arma i është shkrepur pa dashje ndërsa i plagosuri rezulton një i sëmur mendor, me kartel të hapur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
