Hungaria po përgatit një marrëveshje të rëndësishme ekonomike me Shtetet e Bashkuara, ka bërë të ditur kryeministri Viktor Orban.
Deklarata e Orban vjen në një kohë kur Presidenti Donald Trump kërcënon të vendosë tarifa për mallrat nga BE-ja.
Në një intervistë me Radion shtetërore Kossuth të premten, Orban vuri në dukje se gjatë Administratës Biden, investimet kineze në Hungari tejkaluan ato nga Shtetet e Bashkuara. Ai theksoi se tanimë kjo situatë do të ndryshojë.
“Ne po përgatitemi të bëjmë një marrëveshje ekonomike të përmasave dhe seriozitetit të konsiderueshëm me Amerikën. Unë rashë dakord me Presidentin Trump edhe para se të zgjidhej se do të kishte një marrëveshje të tillë”, tha Orban, cituar nga mediat lokale.
Deputeti hungarez dhe anëtar i lartë i partisë në pushtet Fidesz, Tamas Menczer, deklaroi në fillim të kësaj jave se aleanca në rritje midis Orban dhe Trump shërben si "një pasqyrë", që "i tregon "dështimet" Brukselit.
Hungaria po synon lidhje të forta ekonomike me Shtetet e Bashkuara.
Në janar, qeveria emëroi një komisioner ministror përgjegjës për nxitjen e investimeve dhe marrëdhënieve të biznesit me SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
