Altin Dumani do të jetë drejtuesi i ri Prokurorisë të Posaçme të Hetimit, SPAK.
Anëtarët e Këshillit të Prokurorisë i dhanë 5 vota Dumanit, i cili la pas rivalin e tij Edvin Kondili me 4 vota, ndërsa vetëm një votë shkoi për prokurorin Adnan Xholi.
“Me 5 vota pro z.Altin Dumani emërohet drejtues i Prokurorisë së Posaçme. Mandati i z. Dumani do të jetë 3 vjet pa të drejtë rizgjedhjeje duke filluar nga data 19.12.2022 deri më 18.12.2025. Të njoftohet me këtë vendim z. Dumani dhe Prokuroria e Posaçme. Kundër këtij vendimi mund të bëhet apel në Gjykatën Administrative të Apelit jo më vonë se 5 ditë nga shpallja e vendimit”, tha kryetari i Këshillit të Lartë të Prokurorisë, Alfred Balla.
Kësisoj Dumani do të pasojë Arben Krajën në krye të SPAK në 3 vitet e ardhshme.
Pas më shumë se 5 orësh tre kandidatët, Dumani, Kondili dhe Xholi shpalosën platformat e tyre para anëtarëve të KLP.
Procesi u ndoq nga afër në përfundim të tij edhe nga ambasadorja amerikane në Shqipëri Yuri Kim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
