Rusia po përpiqet të rekrutojë mercenarë sirianë për të luftuar në Ukrainë, ka thënë një zyrtar i lartë i mbrojtjes amerikane.
Presidenti rus Vladimir Putin beson se ai duhet të mbështetet te luftëtarët e huaj për të plotësuar atë që është një angazhim shumë domethënës i fuqisë luftarake brenda Ukrainës.
Rusia nisi një fushatë ushtarake në mbështetje të presidentit të Sirisë Bashar al-Assad në vitin 2015, e cila ka qenë vendimtare që qeveria të rezistonte pasi vendi u përfshi në luftë civile.
Të hënën, "Wall Street Journal" citoi zyrtarë amerikanë të thoshin se ushtria ruse ditët e fundit kishte rekrutuar luftëtarë nga Siria, “duke shpresuar se ekspertiza e tyre në luftimet urbane mund të ndihmojë në marrjen e Kievit”.
Rrjeti i lajmeve “Deir Ezzor 24”, raportoi muajin e kaluar se Rusia po u ofronte sirianëve në zonat e kontrolluara nga qeveria paga midis 200 dollarë dhe 300 dollarë për të shkuar në Ukrainë dhe për të vepruar si roje për gjashtë muaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
