Tre persona janë arrestuar nga Policia e Vlorës pasi shpërndarnin heroinë në qytet.
Blutë e qyteit bregdetar kanë vënë në pranga tre persona, të cilëve iu sekuestruan 420 doza heroinë dhe 17 doza kanabis, si dhe një sasi prej 2 mijë dollarësh të falsifikuar dhe disa medikamente.
Në kuadër të operacionit policor të koduar "Circle" u arrestuan Jetnor Xhelaj, 48 vjeç, lindur dhe banues në Visokë-Fier, Arjan Mejdani, 44 vjeç, lindur dhe banues në Ballsh-Fier, (iu sekuestruan në banesë 17 doza kanabis), Reni Hasanaj, 31 vjeç, lindur dhe banues në Ballsh-Fier.
"Këta shtetas e ushtronin aktivitetin e tyre kriminal të shpërndarjes së heroinës kryesisht pranë poliklinikës në lagjen "Hajro Çakërri" Vlorë.
Në momentin e kapjes nga Policia, shtetasve u janë sekuestruar në cilësinë e provës materiale 420 doza heroinë, 2000 dollarë të falsifikuar, 25 tableta metadon, 1 peshore elektronike si dhe mjeti tip ''Audi'', me të cilin qarkullonin",sqaron policia.
Materialet hetimore iu referuan Prokurorisë së Rrethit Gjyqësor Vlorë, për veprat penale "Prodhim, shitja e narkotikëve" dhe "Falsifikimi i monedhave", parashikuar nga nenet 283/2 dhe 183 të Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
