Ndodh për herë të parë, një arbitre femër vendos drejtësi në një ndeshje Botërori

Stéphanie Frappart, është arbitrja e parë femër, që do të vendosë drejtësi në një ndeshje të Botërorit.

Pasi u bë arbitrja e parë femër, në Europian për meshkuj, tashmë ajo do të gjykojë edhe në një ndeshje Botërori.

Arbitrja franceze, është zgjedhur të vendosë drejtësi në një ndeshje delikate, siç është ajo mes Gjermanisë dhe Kosta Rikës, të enjten e 1 dhjetorit.

Kjo është hera e parë, që një treshe arbitresh femra, do të gjykojnë një ndeshje futbolli në Botëror për meshkuj.

Francezja Frappart u bë gjyqtarja e parë që drejton një ndeshje meshkujsh në Ligën e Kampioneve si dhe e para që drejton një ndeshje kualifikuese të Kupës së Botës. Por që nga e enjtja, emri i saj do të mbetet përgjithmonë në histori si e para që drejton një ndeshje në fazën finale të një turneu madhor si Botërori.