Kryeministri i Kosovës, Albin Kurti në përfundim të mbledhjes së Këshillit të Sigurisë deklaroi se rrëmbimi i tre policëve nga pala serbëve brenda territorit të Kosovës, ishte veprim agresor. “Rasti i djeshëm ishte agresion ndaj shtetit tonë demokratik, hakmarrje ndaj policisë që po lufton krimin, dhe intencë për eskalim dhe destabilizim ku ne tashmë kemi propozuar planin pesë pikësh për de-eskalim dhe normalizim. Ajo që është e çuditshme është heshtja dhe toleranca e faktorëve ndërkombëtarë ndaj veprimeve të Serbisë.” Në vijim Kurti tha se pas ngjarjes së djeshme institucionet e sigurisë në Kosovë, kanë rritur nivelin e gatishmërisë. Rrëmbimi i tre policëve ndodhi në vendin e quajtur Tresave/Bare, teksa tre policët po patrullonin në zonën kufitare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
