Një person u arrestua nga policia britanike jashtë pallatit mbretëror Buckingham Palace pasi hodhi gëzhoja të dyshuara me armë gjahu në territorin e pallatit, njoftoi policia.
Pas incidentit, i cili ndodhi rreth orës 19:00 të së martës, u ngrit një kordon policie dhe u krye një shpërthim i kontrolluar.
Burri u arrestua me dyshimin për posedim arme, ndërkohë që nuk raportohet për të lënduar.
Incidenti aktualisht nuk po trajtohet si i lidhur me terrorizmin. Policia thotë se i dyshuari u kontrollua dhe u gjet një thikë, por ai nuk mbante armë. Ata thonë se atij i është gjetur edhe një çantë e dyshimtë dhe se pas vlerësimit të specialistëve është kryer një shpërthim i kontrolluar për masa paraprake.
Mësohet se po trajtohet si një incident i izoluar i shëndetit mendor.
Arrestimi vjen vetëm katër ditë para festimeve të kurorëzimit të Mbretit Charles ku do të marrin pjesë liderë botërorë dhe anëtarë të tjerë mbretërorë nga e gjithë bota.
Mbreti dhe bashkëshortja Mbretëreshë të cilët jetojnë në Shtëpinë Clarence aty pranë nuk ishin në Pallatin Buckingham në kohën e arrestimit, megjithëse Mbreti priti kryeministrin australian Anthony Albanese në pallat më herët të martën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
