Avokati i presidentit Donald Trump, Rudy Giuliani, ka thënë se udhëheqësi i Koresë së Veriut u "lut" që një samit i ri të zhvillohej pasi presidenti amerikan e anuloi atë.
Duke folur në një konferencë në Izrael, Giuliani tha se qëndrimi i ashpër i Trump erdhi pasi i kishte shtrirë dorën Phenianit. Trump bëri thirrje për samitin në maj, duke akuzuar Korenë e Veriut për "zemërimin e madh dhe armiqësinë e hapur".
Por planet bilaterale për samitin e 12 qershorit në Singapor u ringjallën pas një përgjigjeje pajtuese që erdhi nga Pheniani. Zyrtarët e Koresë së Veriut brenda 24 orëve ndryshuan qasje, duke dërguar një delegacion të lartë shtetëror në SHBA, për të biseduar me zyrtarët e Shtëpisë së Bardhë, përfshi edhe presidentin Trump, në mënyrë që të arrihet marrëveshja për mbajtjen e samitit historik.
Giuliani po fliste në një konferencë investimi në Izrael kur ai bëri këtë vërejtje.
Wall Street Journal raportoi për herë të parë se Giuliani tha: "E pra, Kim Jong-un u përgjërua në gjunjë dhe iu lut për takimin, dhe është pikërisht ky pozicioni në të cilin do të donin ta shinin".
Giuliani është një avokat i presidentit që merret me hetimin e përfshirjes ruse në zgjedhjet presidenciale. Sipas BBC, deri tani nuk ka ndonjë përgjigje të menjëhershme nga koreano-veriorët për komentet e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
