Pasi Kryesia e Kuvendit vendosi që seanca për ratifikimin e marrëveshjes së demarkacionit me Malin e Zi, të mbahet nesër në orën 11:00, ka ardhur menjëherë edhe reagimi i ambasadorit amerikan në Kosovë Greg Delawie.
Përmes një postimi në rrejtin social "Twitter", ai ka kërkuar që të ratifikohet kjo marrëveshje.
“Qytetarët kanë pritur shumë kohë për liberalizimin e vizave – është koha për të ratifikuar marrëveshjen e demarkacionit. Hajde!”, ka shkruar Delawie.
Ai po ashtu ka theksuar se është e mahnitshme se si disa njerëz punojnë shumë që qytetarët të udhëtojnë drejt Evropës.
Ndërkohë pro ratifikimit të kësaj marrëveshje janë deklaruar partitë e PDK, AAK, Nisma dhe LDK ndërsa Lëvizja Vetëvendosje vazhdon ta kundërshtoj një gjë të tillë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
