Reshjet e shiut që kanë përfshirë gjithë vendin që prej orëve të vona të së martës, kanë bërë që Autoriteti Rrugor Shqiptar t’i bëjë thirrje qytetarëve në mënyrë që të respektojnë sinjalistikën rrugore.
ARRSH kërkon të tregohet kujdes për shkak të lagështirës duke ulur shpejtësinë. Ndërkohë ajo njofton se në zonën e Shkallës së Zezë në Tepelenë ka pasur rënie gurësh që janë pastruar tashmë.
“Gjatë natës ka pasur reshje shiu në të gjithë vendin. Në zonën e Shkallës se Zezë në Tepelenë ka pasur disa rënie gurësh, që janë pastruar menjëherë nga kompania e mirëmbajtjes. Qarkullimi vazhdon normalisht në të gjitha rrugët kombëtare grupet e punës janë në gadishmëri për çdo situatë Drejtuesit e mjeteve të tregohen të kujdesshëm për shkak të lagështirës, të ulin shpejtësinë dhe të respektojnë sinjalistikën”, thuhet në njoftim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
