Deputetja socialiste Pranvera Resuli thotë se investimet në ndërtim mbartin në vetvete rrezikun e pastrimit të parave, por shprehet se Shqipëria ka dalë nga zona e kuqe.
Në një lidhje për MCN Live, ajo deklaroi se besimi i publikut çalon, pasi ka mungesë besimi të trashëguar ndër vite për shkak të situatave ndër vite që ka rrjedhur historia e zhvillimit ekonomik, me një sistem drejtësie që ka çaluar deri dje.
Për çështjen e pastrimit të parave nëse është një problem i madh, të dhënat e indeksit Basel, tregojnë se Shqipëria ka një përmirësim nga 4.78 në 4.35% gjë tregon se ne nuk jemi përkeqësuar, por kemi dalë nga zona e kuqe dhe del në një situatë normaliteti.
Moneyval e ka nxjerrë Shqipërinë nga lista gri në fundin e vitit të kaluar, kjo e bën situatën e Shqipërisë të qëndrueshme dhe e largon nga perceptimi se Shqipëria është në rrezik të madh nga pastrimi i parave.
Me këtë nuk e përjashtoj ekzistencën e fenomenit, por shifrat flasin ndryshe.
Dhe nëse kemi dalë nga zona e rrezikut dhe zona gri, kjo është në sajë të fuqizimit të institucioneve.
Resulaj shtoi gjithashtu se sistemi bankar shqiptar është i shëndetshëm, likuid dhe i konsoliduar dhe se nuk ka mungesë të keshit as për të financuar ekonominë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
