Forcat izraelite nisin një operacion ushtarak në Jenin të Bregut Perëndimor

Sipas Ministrisë së Shëndetësisë në Palestinë forcat izraelite nisën një operacion të madh ushtarak në Jenin në Bregun Perëndimor verior të dielën, duke vrarë të paktën pesë persona dhe duke plagosur 27 të tjerë. Në një deklaratë të postuar në Telegram në orët e para të mëngjesit të së hënës, Forcat e Mbrojtjes izraelite thanë se kanë nisur një përpjekje të gjerë kundër terrorizmit në zonën e qytetit të Jeninit dhe kampit Jenin, duke goditur infrastrukturën terroriste. Shtatë të plagosur janë në gjendje kritike për jetën, sipas Ministrisë palestineze të Shëndetësisë. Mahmoud al-Saadi, drejtor i Gjysmëhënës së Kuqe Palestineze në Jenin, tha se shumica e lëndimeve janë të rënda dhe në pjesën e sipërme të trupit, duke shtuar se procesi i transferimit të të plagosurve ka qenë i vështirë. Burimi: https://edition.cnn.com/2023/07/02/middleeast/israel-jenin-camp-idf-raid-west-bank-intl-hnk/index.html