Gjermani, 1700 euro për emigrantët sirianë që kthehen në vendin e tyre

Në Gjermani, Zyra Federale për Migracionin dhe Refugjatët (Bamf) mbështet emigrantët sirianë që kthehen përgjithmonë në vendin e tyre.

Kjo është ajo që del nga një komunikim i brendshëm nga autoriteti i raportuar nga gazeta gjermane Der Spiegel.

Der Spiegel raportoi se, “Siria u përfshi në programin e riatdhesimit dhe riintegrimit “Reag/Garp”.

Si rezultat, sirianët e varfër të cilët janë ende në procesin e kërkimit të azilit ose janë të detyruar të largohen nga vendi, mund t’i kërkojnë Bamf-it të mbulojë biletat e linjës ajrore ose shpenzime të tjera udhëtimi të financuara nga qeveria federale dhe ajo shtetërore.

Pjesëmarrësit mund të marrin deri në 1700 euro si mbështetje të njëhershme. Ndihma është e kufizuar në një maksimum prej 4000 euro për familje.

Sipas përshkrimit të programit, mund të ketë edhe mbështetje shtesë për shërbimet mjekësore në Siri.

Sipas udhëzimeve këto shpenzime mund të arrijnë një maksimum prej 2000 euro për person dhe mund të aksesohen brenda tre muajve të parë të mbërritjes.