Në Pallatin e Kongreseve në Tiranë ka nisur mbrëmë nata e parë e Edicionit të 55-të të Festivalit të Këngës në Radiotelevizionin Shqiptar, i konsideruar prej vitesh si një nga ngjarjet më të rëndësishme të muzikës së lehtë shqiptare. Në këtë natë publikut iu paraqitën 12 këngët më të reja të muzikës së lehtë shqiptare.
Prezantues të festivalit janë këngëtarja Ledina Çelo dhe aktori Kasem Hoxha. Çelo tërhoqi vëmendjen e shikuesve dhe përdoruesve të rrjeteve sociale për veshjen transparente me të cilën u paraqit në skenë. Fotot e saj qarkullojnë sot në mediat sociale, ku nuk mungojnë komentet dhe kritikat.
Nata e dytë e festivalit pritet të sjellë në skenë 12 këngë të reja. Ndërsa nata e tretë do të jetë momenti i përzgjedhjes së më të mirave, mes të cilave edhe kënga fituese që do të përfaqësojë Shqipërinë në Eurovizion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
