Presidenti bjellorus, Alexander Lukashenko, thotë se vendi i tij duhet të përfshihet në negociatat për zgjidhjen e konfliktit në Ukrainë.
Lukashenko u citua të ketë thënë nga agjencia shtetërore bjelloruse e lajmeve Belta, se priste të zhvillonte bisedime me Vladimir Putin në ditët e ardhshme, raporton Reuters.
Nuk mund të ketë marrëveshje të veçanta pas shpinës së Bjellorusisë. Meqenëse na tërhoqët zvarrë në këtë gjë, pozicioni i Bjellorusisë natyrisht duhet të dëgjohet në këto negociata.
Ministri i Jashtëm i Bjellorusisë, Vladimir Makei, këmbënguli se duhet të jetë vetë Lukashenko që duhet të marrë pjesë në takim.
Rusia dërgoi dhjetëra trupa në Ukrainë më 24 shkurt nga territori rus dhe bjellorus, në atë që e quajti një “operacion special ushtarak” i krijuar për të çmilitarizuar dhe “denazifikuar” fqinjin e saj.
Lukashenko ka deklaruar se forcat e armatosura të Bjellorusisë nuk po marrin pjesë dhe nuk do të marrin pjesë në konflikt, duke thënë prerazi se Bjellorusia është etiketuar padrejtësisht si bashkëpunëtore e agresorit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
