Këshilli i Lartë Gjyqësor i ka përcjellë presidentit Ilir Meta propozimin për emërim në Gjykatën e Lartë për katër pozicionet e lira në fushën e të drejtës penale.
“Këshilli i Lartë Gjyqësor njofton opinionin publik se sot, në datën 17.03.2021, në vijim të vendimmarrjes së tij, i ka përcjellë Presidentit të Republikës propozimin për emërim në Gjykatën e Lartë për katër pozicionet e lira në fushën e të drejtës penale, të shpallura me vendimet numër 241, 242, 243 dhe 244, datë 09.07.2020”, thuhet në njoftimin e KLGJ.
Emrat e propozuar nga KLGJ janë: Sokol Binaj, Albana Boksi, Sandër Simoni dhe Klodian Kurushi.
Këshilli i Lartë Gjyqësor siguron opinionin publik se do të vijojë punën intensive dhe do të ndërmarrë çdo hap të nevojshëm, që pavarësisht vështirësive, të përfundojë sa më parë procesin e plotësimit të vendeve të tjera të lira në sistemin gjyqësor, për të garantuar aksesin e qytetarëve në drejtësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
