Aksident me pasojë një person të plagosur është regjistruar pasditen e kësaj të hëne në aksin nacional Përmet- Çarçovë.
Ngjarja ka ndodhur para pak minutash pranë fshatit Badlonjë, ku automjeti i tipit Mercedez-Benz me targa AA491AB me drejtues Apostol Tase 79 vjeç ka dalë nga rruga dhe ka bërë dy salto në ajër duke përfunduar anës rrugës.
Si pasojë ka mbetur i plagosur drejtuesi mjetit, i cili është transportuar me urgjencë për në spital për ndihmë mjekësore.
Në vendngjarje kanë shkuar forcat e policisë rrugore të cilat po hetojnë për zbulimin e rrethanave te aksidentit.
Dyshohet se aksidenti ka ndodhur për shkak të humbjes së kontrollit të automjetit nga ana e drejtuesit të moshuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
