Sulm me armë në Denver, humbin jetën 5 persona

Sulmuesi që vrau pesë persona në Denver dhe Lakewood ditën e martë është identifikuar si Lyndon McLeod.

Shefi i policisë së Denverit, Paul Pazen tha se McLeod, 47 vjeç, ishte "në radarin e vëzhgimit" gjatë dy hetimeve të fundit, por nuk u ngritën akuza në asnjërin rast.

McLeod u qëllua dhe u vra nga një agjent i policisë së Lakewood pasi McLeod e qëlloi atë. Oficerja është ende nën trajtimin spitalor, sipas Fox31.

Policia e Denverit dhe Lakewood-it thotë se McLeod shkëmbeu zjarr me oficerët dy herë më parë dhe arriti të arratisej të dyja herët.

Duke folur në një konferencë shtypi të martën, Pazen tha se McLeod u hetua në mes të 2020 dhe përsëri në fillim të 2021, por nuk dha detaje.

“Nuk mund të hyjmë në asnjë nga detajet”, tha Pazen. 

Policia thotë se McLeod qëlloi me të shtëna pranë një biznesi që ai zotëronte, e cila tani është shtëpia e World Tattoos, katër nga pesë personat e vrarë ishin në dyqan dhe aty pranë.

Alicia Cardenas dhe Alyssa Gunn-Maldonado u vra në Sol Tribe Tattoo and Piercing në Broadëay në Denver .

Danny Scofield u vra në Lucky 13 Tattoo në Kipling Street në Lakewood, sipas Heavy.

Një grua e quajtur Sarah Steck, e cila punonte në Hyatt House në Belmar, u vra gjithashtu nga McLeod.

McLeod dikur kishte në pronësi një biznes, Flat Black Ink Corp, sipas të dhënave. Adresa e mëparshme tani i përket Ëorld Tattoo në Denver.

Deri më tani autoritetet nuk besojnë se sulmet ishin të rastësishme.

"Duket se McLeod kishte në shënjestër njerëz të veçantë në këtë rast," tha komandanti i policisë së Denverit, Matt Clark.

“Viktimat ishin të njohura për autorin”.

Raportet fillestare thanë se vetëm katër persona u vranë në sulm, por autoritetet më vonë e përditësuan atë në pesë.

Katër nga pesë viktimat ose punonin në studiot e tatuazheve ose aty pranë.

Megjithatë, autoritetet thanë se është shumë herët për të përcaktuar saktësisht se pse McLeod synoi viktimat.