Albana Saliçe ka humbur jetën këtë mëngjes, pak orë pasi kishte marrë mjekim në urgjencën e spitalit të Korçës.
Gruaja kishte shkuar në spital në orët e para të mëngjesit të kësaj të diele dhe pasi kishte kryer kontrollet mjeku e dërgoi në shtëpi ku edhe ajo ka humbur jetën.
Bashkëshorti i saj Edison Saliçe ka akuzuar mjeket për mjekim të pakujdesshëm dhe trajtim të gabuar.
Bashkëshortja erdhi në orën 3 e 15, ne kemi marrë në telefon 127 na u përgjigjën sepse shtëpinë e kemi këtu afër, erdhëm në spital ndenjëm deri në orën 5, i bëri doktori një gjilpërë dhe na thotë është anemike, nga zemra nuk ka asgjë EKG-ja i doli mirë. Ikni në shtëpi. Kur vajtëm në shtëpi na zuri pak gjumi, ngrihem në mëngjes e pyes si je dhe nuk po më përgjigjej, lajmërova komshien, lajmërova këta, erdhëm këtu, as emrin e doktorit, asgjë, na thonë vetëm i bie goja erë të keqe mos ka pirë detergjent, që nuk bën vaki asnjëherë në botë. Kishte shqetësime gjinekologjike për të cilat po mjekohej. Kurën e vazhdonte normalisht ishte shumë mirë, pas bërjes së gjilpërës këtu… nuk ja di emrin mjekut. U regjistrua në kartelë në shërbimin e urgjencës. Skam bërë akoma denoncim, të vijë mjeku ligjor edhe do ti vazhdoj veprimet e mëtejshme. Nga gjilpëra ajo ishte për bukuri të zotit. Në orën 5 shkuam në shtëpi në 8 të mbarojë, ai le ta mbante këtu mos e çonte në shtëpi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
