Kreu i PDIU-së ka komentuar sondazhin e publikuar dje, i cili, nga partitë e vogla, nxjerr mbi pragun e 2%-shit vetëm LIBRA-n e Ben Blushit. Sipas këtij sondazhi, në zgjedhjet e 25 qershorit, PDIU nuk merr më shumë se 1.8 % të votave. Kreu i PDIU-së, Shpëtim Idrizi, thotë se ai është i sponsorizuar nga Lëvizja Socialiste për Integrim, përmes së cilës i ushtron presion kryeministrit Rama.
“Unë nuk e di si ta shpjegoj. Po di që si gjithmonë ky lloj sondazhi na ka nxjerrë në 3 sondazhet gjithmonë poshtë realitetit, vetëm në exit-poll i afrohej realitetit. Por, nuk ndikohemi se e njoh këtë teknikë për llogari të dikujt aq më shumë që me partitë e vogla marzhi i gabimit është 3 për qind. Aq votues sa na nxjerr ky sondazh, unë i kam në hapjen e fushatës në Pallat të Kongreseve”, thekson Idrizi.
“Këto janë sondazhe të sponsorizuara nga LSI, përmes të cilëve shantazhon PS-në për koalicion qeverisës pas 25 qershorit. Sigurisht që iu leverdis të zhbëjnë gjurmën e PDIU-së, për ta eliminuar si aleate në qeveri PS+PDIU”, thuhet në reagimin e PDIU për “Tirana Today”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
