Ministri i Jashtëm Ivica Daçiç ka thënë se Burundi ka tërhequr njohjen e Kosovës si shtet i pavarur.
Shefi i diplomacisë serbe, ka nisur një mision i cili po tenton t’i bindë shtetet për të tërhequr njohjen e Kosovës.
"Këto ditë në Prishtinë shënojnë dhjetëvjetorin e shpalljes së njëanshme të pavarësisë së Kosovës.Unë dua të jap një kontribut. E kam sjell notën nga Ministria e Punëve të Jashtme të Burundit, me të cilën tërhiqet njohja e Kosovës," tha Daçiç në një konferencë të hashtëzakonshme për mediat.
Sipas tij pavarësia e Kosovës është e brishtë dhe autoritetet e Kosovës e kanë listën e rreme të 116 vendeve që e kanë njohur pavarësinë e saj.
Ai shtoi se do të vazhdojë luftën për interesat shtetërore dhe kombëtare dhe se Serbia nuk duhet ta njohë Kosovën.
Republika e Burundit ka njohur pavarësinë e Kosovës në vitin 2012. Burundi ishte shteti i parë i vendeve anëtarë të SADC dhe Afrikës Lindore që njohu pavarësinë e shtetit tonë.
Më 17 shkurt të vitit 2008, Kosova u bë shtet i pavarur. Sot bëhen dhjetë vjet që vendi ynë feston shtetësinë. Për një dekadë, shteti më i ri në Evropë është njohur nga 116 shtete.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
