Kolegji i Posaçëm i Apelimit (KPA) vendosi sot rrëzimin e vendimit të KPK-së për gjyqtarin e Gjykatës së Lartë, Edmond Islamaj, dhe shkarkimin e tij nga detyra.
Sipas KPA, gjyqtari ka kryer deklarim të pasaktë, të paplotë dhe pamjaftueshëm të pasurisë dhe për këtë nuk arrinte nivelin e besueshëm.
Gjyqtari e kishte kaluar vettingun pak kohë më parë, por vendimi u ankimua nga Komisioni Publik për dy shkelje në lidhje me pasurinë që sipas Komisionerit Publik nuk janë hetuar siç duhet nga KPK.
Në listën e verifikimeve të paplota Komisioneri Publik përmend transferta parash brenda e jashtë vendit si dhe dyshimet për një apartament e një dyqan në Vlorë, të cilat nuk janë hetuar plotësisht nëse lidhen apo jo me gjyqtarin Islamaj dhe bashkëjetuesen e tij S.T.
Në seancën e zhvilluar tek KPK-ja më 7 qershor, ku u dha dhe vendimi për të, vetë gjyqtari Islamaj tha se pasurinë e kishte trashëguar nga gjyshërit e tij.
Tashmë në Gjykatën e Lartë kanë mbetur aktualisht kryetari Xhezair Zaganjori dhe gjyqtari Ardian Dvorani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
