Policia bullgare konfiskoi gjysmë toni heroinë të fshehur në një depo në zonën industriale të qytetit jugor të Bullgarisë, Sliven. Heroina ishte futur në vend nga porti i Varnës, i cili tashmë po bëhet një pikë kyçe hyrëse për trafikun e drogës përmes Ballkanit drej Evropës.
Heroina mbërriti në Bullgari në 4 kontejnerë të mëdhenj anijesh dhe më pas u tranportua me kamionë në magazinën në Sliven. Në çdo zgavër të pllakave prej mermeri ishin fshehur rreth 3-4 kg heroinë.
Heroina po transportohej nga dy shtetas turq, të cilët u arrestuan. Hetimet për këtë dërgesë kaq të madhe zgjatën rreth 4 muaj.
Ky operacion u konsiderua si i suksseshëm nga autoritetet bullgare. "Si një kufi i jashtëm i Bashkimit Evropian, Bullgaria nuk lejoi që heroina të hynte në vendet e tjera të BE-së", thanë autoritet bullgare në një deklaratë. Në këtë operacion ata patën mbështetjen e Agjencisë Amerikane për Luftën kundër Drogës (DEA)./Euroactiv/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
