101-vjeçari Josef S., ish-roje i kampit nazist në Sachsenhausen, u dënua nga gjykata me 5 vite burg për bashkëpunim në vrasjen e mijëra të burgosurve nazistë.
Josef ka asistuar në vrasjen e 3 518 të burgosurve në kampin e Sachsenhausen afër Berlinit, ku punoi nga viti 1942-1945.
Mijëra njerëz vdiqën në këtë kamp nga uria, puna e detyruar, eksperimentet mjekësore dhe vrasja nga rojet si Josef.
Josef e mohon të ketë qenë roje e SS në kamp.
`Nuk e kuptoj pse po dënohem. Nuk kam patur dorë në gjithë këtë`, u shpreh Josef në mbylljen e deklaratës së tij pak para verdiktit final në gjykatë.
Hedhja e rojeve naziste në gjyq u bë e mundur vetëm disa vite më parë, në 2011, kur ish-roja John Demjanjuk u shpall fajtor. Ky verdikt nxiti kërkimet për individë të tjerë që mund të ishin gjallë.
Raste të tjera janë Oskar Gröning, i ashtuquajturi `Mbajtësi i librave të Auschwitz` i cili u hodh në gjyq 4 vite pas vendimit të parë dhe një 97-vjeçar, ish-sekretar i kampit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
