Në foltoren e protestës së sotme, kreu i PD-së, Sali Berisha, tha se qeveria “Rama” i ka përzënë shqiptarët nga Shqipëria. Ai tha se shkurti është muaji i largimit të diktatorëve.
Shkurti është muaji kur zvarritëm diktatorin. Shkurti do jetë muaji që do çlirojmë Shqipërinë. Po të mos ishit ju që me trimërinë tuaj i bëtë lajm kryesor në Europë dhe botë, Edi Rama do ia kishte dalë me grushtin e shtetit. Por ai dështoi se ne e denoncuam në kancelaritë më të mëdha të Europës.
Ka ardhur koha që Edi Ramën ta shpallim armikun më të rrezikshëm të Shqipërisë. Çdo shifër, çdo zhvillim i këtyre 13 viteve flet për rrënim të Shqipërisë.
Dy janë më të rrezikshmit në Ballkan: Vuçiç që mori pjesë në safarin njerëzor në Sarajevë dhe Edi Rama. Për drejtësi këto dy monstra duhet të ulen në Hagë dhe jo luftëtarët e lirisë. Edi Rama e ka përgjysmuar Shqipërinë në 10 vite.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
