Kryeministri Rama ka mbledhur sot paradite në një takim pune përfaqësuesit diplomatikë shqiptarë në vendet e botës. Gjatë fjalës së mbajtur para ambasadorëve, Rama tha se puna e diplomacisë shqiptare do t’i nënshtrohet një vlerësimi.
“Puna do të vlerësohet me sa ka ndikuar diplomacia na shkëmbimet tregtare. Puna e gjithësecilit do të vlerësohet në bazë të kontributeve reale”, ka thënë Rama.
Rama e vuri theksin në këtë mandat qeverisës dhe tha se gjatë tij duhet të fokusohet vëmendja në rolin e shërbimit të jashtëm në ekonominë e Shqipërisë. Mes të tjerash, ai theksoi se asnjë nga diplomatët nuk kishte sjellë një investitor në vendin tonë.
"Një takim të ngjashëm e pat bërë edhe të hapur për mediat 15 vite më parë kryeministri Fatos Nano, ai e pati ngritur zërin me ndonjë koleg tuajin, mund të ketë qenë edhe ndonjë prej tyre. E ka bërë për të njëjtën mungesë që më ka thirrur sot mua këtu. E kam kërkuar këtë takim të posaçëm pas disa kohësh, ndaj dua të shtjelloj një temë me rëndësi të vecantë, të lënë pas dore, në tërë vitet e tranzicionit të shërbimit të jashtëm shqiptar, ku 4 vitet e fundit s'bënë përjashtim fatkeqësisht. Roli i shërbimit të jashtëm në ekonominë e Shqipërisë. Dua të bëj të qartë një gjë sipas meje me fort rëndësi. Përgjegjësia në mungesën dramatike 27-vjeçare të shërbimit të jashtëm në raport me ekonominë e vendit, janë shumë faktorë dhe aktorë. Duhet bërë një analizë serioze e arsyeve, e para është vëmendja krejt periferike e lidershipit politik të Ministrisë së Jashtme, dhe kjo është e para gjë që duhet të ndryshojë menjëherë me se s’bën.”, tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
