Shkatërrohet banda e kokainës në Itali, çdo tre muaj nga Shqipëria vinin trafikantë të rinj

Një tjetër grup shqiptar që mereshim me trafikimin e kokainës në shtetin fqinj është shkatërruar nga policia italiane.

Sipas policisë, 4 shqiptarët e arrestuar furnizonin me kokainë rregullisht tregun e zi të Parmas. dhe koka e këtij grupi ishte 41-vjeçari me iniciale K.A.

Mediat raportojnë se në pranga kanë rë edhe shqiptarë të tjerë 20, 21 dhe 22 vjeç. 41-vjeçari kishte marrë me qira tre shtëpi të ndryshme që funksiononin si baza për magazinimin dhe shitjen e kokainës, ndërsa kapo i grupit punësonte të rinj, të cilët silleshin direkt nga Shqipëria me vizë turistike. K.A u siguronte kushtet që ata të vinin, punonin tre muaj dhe ktheheshin në Shqipëri, për t’u zëvendësuar nga të tjerë të rinj.

Policia italiane thotë se grupi kriminal e shiste kokainën 80 Euro për gram. Ky është një çmim i lartë, por i justifikuar nga cilësia e lartë dhe reputacioni i mirë i drejtuesit të grupit, 41-vjeçarit me iniciale K.A..

Autoritetet italiane kanë dokumentuar më shumë se dy mijë raste shitje dhe të ardhurat financiare nga shitja e kokainës janë transferuar në Shqipëri. 

Nga përgjimet e bëra nga policia dëgjohet 41-vjeçari kur i thotë trafikantëve të tjerë. “Për mua ata do të kthehen në Shqipëri e do të hanë pleh, sepse ata nuk kanë më besimin tim”.