Të qenit bujar aktivizon neuronet e lumturisë. Ky është përfundimi i një studimi të kryer nga Universiteti i Lubekas në Gjermani, na bashkëpunim me Universitetin e Zyrihut dhe atë të Çikagos. Rezultatet e publikuara në revistën “Nature Communications”, hapin kështu një dritare të re mbi trurin, duke krijuar mundësinë për të kuptuar lidhjet e panjohura nervore ku mund të fshihen rrënjët biologjike të altruizmit.
“Sjelljet bujare ndodhin në situata në të cilat shpesh nuk është nevoja e krijimit të një reputacioni të mirë apo përmirësimit të kushteve të atij që përfiton nga gjesti. Për këtë arsye, teoritë ekonomike tradicionale nuk arrijnë ta shpjegojnë bujarinë. Por kërkimi shkencor në sferën psikologjike sugjeron se motivimi qëndron pikërisht në nevojën e zemërgjerit për të shtuar lumturinë e vet”, thonë studiuesit. / Përgatiti: Gazmira Sokoli /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
