Opozita me vendim të ri: Do bllokojmë rrugët çdo të enjte

Pasditen e sotme kreu i PD-së, Lulzim Basha pati një takim me kryetarët e partisë në rrethe. Në mbledhjen e Bashës me kryetarët e degëve në rretheve u diskutua për vijimin e aksionit opozitar

Kreu i PD-së Lulzim Basha, pas takimit u shpreh se oozita do të bllokojë rrugët çdo të enjte.

Kështu mësohet se opozita ka vendosur që të përshkallëzojë aksionin dhe tani bllokimi do jetë me afat më të gjatë nga 1 orë në 3 orë.

“Ne do bëjmë gjithçka që të zbatohen kushtet para datës 30 qershor. Të jemi në ballë të organizimeve. Të jemi bashkë. Të angazhohemi . Do bëjmë gjithçka për shpëtimin e vendit”, mësohet të jetë shprehur Basha.

Ditën e djeshme, opozita protestoi duke bllokuar, për 60 minuta, akset kryesore në vend.