Ministri i Brendshëm i Kosovës Xhelal Sveçla, e ka konsideruar Presidentin serb Aleksandar Vuçiç një “gënjeshtar kronik”. Ai sqaroi se djali i Vuçiç, Danilo, u ndalua vetëm një herë nga Policia e Kosovës. Presidenti serb tha se djali i tij u ndalua nga autoritetet e Kosovës tre herë, teksa mori pjesë në festën e Vidovanit në Graçanicë. “Ai ka hyrë në Kosovë si qytetar i rëndomtë. Nuk ka procedura të veçanta për qytetarët e rëndomtë. Ai u shfaq më pas në Graçanicë me këtë bluzë provokative. Policia ka ndal veturat që janë sjell në mënyrë të çuditshme. Atij i është kërkuar heqja e kësaj bluze provokuese për të gjithë qytetarët e Kosovës. Kjo është e gjitha dhe ata janë larguar drejt Serbisë. Ne e dimë që Vuçiçi ka qenë ministër i propagandës në kohën e Millosheviçit, por se është gënjeshtar kronik po na vërteton çdo herë. Djali i tij nuk është ndal tre herë, por veç një herë në dalje të Prishtinës”, ka thënë Sveçla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
