Një përleshje me armë zjarri ka ndodhur pak më herët gjatë kësaj të hëne mes personave të armatosur të paidentifikuar dhe forcave të sigurisë në hyrje të aeroportit të Kabulit, sipas zyrtarëve të ushtrisë gjermane.
Një roje afgane u vra dhe tre të tjerë u plagosën, thanë zyrtarët. Aeroporti ka qenë një skenë kaosi për pjesën më të madhe të javës që nga marrja e Kabulit nga talebanët, me mijëra afganë dhe shtetas të huaj që përpiqen të largohen nga vendi.
Nga ana e tij, Presidenti Joe Biden ka deklaruar se përpjekjet për të evakuuar njerëzit nga aeroporti i Kabulit po përshpejtohen, me trupat amerikane që kanë zgjeruar perimetrin rreth vendit.
Mijëra afganë janë mbledhur në radhë para portave në përpjekje të dëshpëruar për të ikur nga vendi pasi talebanët erdhën në pushtet më 15 gusht. Biden tha të dielën se SHBA kishte evakuuar gati 28,000 njerëz nga aeroporti javën e kaluar.
Ai po përballet me presionin për të zgjatur një afat për evakuimet përtej datës 31 gusht. Presidenti tha se diskutimet po zhvilloheshin me udhëheqësit e vendeve të tjera për shtyrjen e afatit, por "shpresa jonë është se nuk do të na duhet".
Të hënën, nënkryetarja Kamala Harris tha se SHBA do të kryejë "një analizë të fortë të asaj që ka ndodhur" në Afganistan javët e fundit.
"Por tani për tani nuk ka asnjë dyshim se fokusi ynë duhet të jetë në evakuimin e qytetarëve amerikanë [dhe] afganë", tha ajo gjatë një vizite në Singapor.
Më herët, Pentagoni tha në një deklaratë se 18 avionë komercial do të përdoreshin për të ndihmuar transferimin e evakuuarve në vendet e treta nga vendet e sigurta jashtë Afganistanit.
Një zyrtar i NATO -s i tha Reuters të dielën se të paktën 20 njerëz kishin vdekur në dhe përreth aeroportit që nga fundjava e kaluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
