Të paktën 8 protestues vdiqën në Bangladesh gjatë përleshjeve midis demonstruesve që kërkonin dorëheqjen e kryeministrit Sheikh Hasina dhe mbështetësve pro-qeveritar, raportojnë policia dhe burimet mjekësore.
Tre viktima u raportuan në rajonin verior të Pabna, dy në rrethin verior të Rangpur, dy të tjerë në rrethin Munshiganj të kryeqytetit Dhaka dhe një në lagjen perëndimore të Magura.
Protestat e studentëve muajin e kaluar nisën me kërkesën për t’i dhënë fund një sistemi kuotash për vendet e punës në qeveri duke i cilësuar diskriminuese.
Sipas protestuesve, 30% e punëve të tilla ishin të rezervuara për familjet e veteranëve që luftuan në luftën e pavarësisë së Bangladeshit kundër Pakistanit në 1971.
Protestat filluan në mënyrë paqësore, por u shndërruan në të dhunshme pasi studentët në Universitetin e Dhakës u përleshën me policinë dhe aktivistët e një krahu studentor të partisë në pushtet Aëami League më 15 korrik.
Që atëherë, më shumë se 200 persona kanë vdekur dhe mijëra të tjerë janë plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
