Është hapur sot gara ndërkombëtare për ndërtimin e linjës hekurudhore Vorë-Hani i Hotit.
Ministrja e Energjisë dhe Infrastrukturës Belinda Balluku tha se “Kjo hekurudhë lidh Shqipërinë me Malin e Zi, një vend me të cilin ndajmë histori, tradita dhe mbi të gjitha aspiratën për t’u bërë sa më shpejt pjesë e Bashkimit Europian”.
Balluku bëri me dije se linja nga Vora në Hanin e Hotit është 120 km e gjatë, dhe parashikohet të ketë 12 stacione dhe 12 ura, si dhe një tunel me gjatësi 320 metra në zonën e Lezhës.
Shpejtësia e udhëtimit pritet të jetë 120 km/h, ku pritshmëritë janë që rruga të përshkohet për dy orë mesatarisht me një fluks vjetor 2,3 milionë pasagjerëve, ose 900 mijë tonë ngarkesa mallrash në vit.
Granti i Bashkimit Europian për rehabilitimin e hekurudhës kap shifrën 136 milionë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
