Shtetet e Bashkuara të Amerikës i kërkojnë Bullgarisë të arrijë një marrëveshje përfundimtar që i hap rrugë anëtarësimit të Maqedonisë së Veriut në BE, dhe si pasojë edhe Shqipërisë. Në një letër që dy anëtarë të Komitetit të Politikës së Jashtme të Dhomës së Përfaqësuesve i kanë dërguar ambasadorit bullgar në Uashington thuhet se bisedimet e anëtarësimit duhet të nisin para fundit të vitit.
“Bullgaria duhet të arrijë një zgjidhje përfundimtare për marrëveshjen me Maqedoninë e Veriut në mënyrë që kjo e fundit së bashku me Shqipërinë të fillojnë bisedimet e anëtarësimit në BE para fundit të vitit”, thuhet në letrën e Claudia Teni dhe William Keating drejtuar ambasadorit Tihomir Stojçev.
Anëtarët e Kongresit kanë shprehur mbështetje të fortë për integrimin e shpejtë të Ballkanit Perëndimor në Bashkimin Europian.
“Në të njëjtën kohë, anëtarët e Kongresit kanë pranuar se megjithëse Maqedonia e Veriut dhe Shqipëria kanë përmbushur kërkesat për të filluar bisedimet e anëtarësimit me Bashkimin Evropian, mbetet një mosmarrëveshje midis vendit tuaj dhe Maqedonisë së Veriut që po e pengon Shqipërinë dhe Maqedoninë e Veriut të fillojnë ato bisedime”, thuhet ne letër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
