Gazetari Jul Simoni dha detaje të reja për “MCN Live” lidhur me shpërthimin e ndodhur në burgun e Fushë Krujës, lidhur me shpërthimin e ndodhur rreth orës 23.00 të mbrëmjes së të mërkurës.
Ai tha se sasia e tritolit ende nuk është përcaktuar ende por saktësohet bëhet fjalë për një sasi të vogël.
Pista kryesore e hetimit është krijimi i ndonjë situatë me qëllim arratisjen nga burgu.
Nga të dhënat paraprake bëhet fjalë se është përdorur lëndë artizanale me nitrat, pranë gjeneratorit që furnizon me energji burgun, i cili vendoset në punë kur nuk ka energji elektrike.
Shpërthimi nuk ka shkaktuar dëme materiale. Mund të jetë mesazh për drejtuesit e burgut apo zhurmë për të kamufluar një tentativë arratisje.
Aktualisht në burg janë dërguar dy grupe të gatshme të cilët do të ushtrojnë kontrolle në burg. Po analizohen kamerat e sigurisë në zonë.
Janë rreth 150 të burgosur në burgun e Fushë Krujës, ku ka dhe persona në izolim. Pista kryesore e hetimit është që të krijohet ndonjë situatë me qëllim arratisjen nga burgu.
Autori ka qenë një person i maskuar. Janë marrë dëshmitë e disa personave, por ende nuk ka të dhëna.
Drejtoria e Përgjithshme e Burgjeve ka ngritur një grup pune, po merret në pyetje gjithë personeli që ka qenë në shërbim kur ka ndodhur ngjarja.
Edhe policia nën drejtimin e Prokurorisë po vijon hetimet intensive për zbardhjen e ngjarjes të ndodhur në burgun e Fushë Krujës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
