Prokuroria e Posaçme Kundër Korrupsionit dhe Krimit të organizuar, ka dhënë pretencën për dosjen Sterilizimi. SPAK-u kërkoi për ish-zëvendës ministrin, Klodjan Rrjepaj dhe për Ilir Rrapajn, nga 10 vite burgim, të konvertuar në 6 vite e 8 muaj heqje lirie, duke përfituar nga ulja e 1/3 të dënimit.
Ndërkohë për Marsela Serjanaj, u kërkuan 3 vite dhe 6 muaj burgim, por për shkak të gjykimit të shkurtuar, të konvertohet në 2 vite e 4 muaj heqje lirie. Për të tjerë të pandehur u dhanë vite më pak dënim që variojnë nga 1-3 vite burg ku një pjesë prej tyre u konvertohen në shërbim prove.
I pandehur për “Sterilizimin” është edhe ish-ministri i Shëndetësisë, Ilir Beqaj, dosja e të cilit është ndarë. Ai do të gjykohet me gjykim të zakonshëm, ndërsa nuk i ka pranuar akuzat ndaj tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
