Eksperti i ekonomisë Pano Soko tha në “MCN Economy” se drejtësia e vonuar është drejtësi e munguar, duke iu referuar zvarritjeve të procesve gjyqësore.
Po ashtu ai tha që çështja e fundit e mashtrimit me mikrokreditë nxjerr nevojën për një reformë të thellë edhe në hallkat e tjera në sistemit juridik shqiptar, si përmbaruesit.
"Ngërçi jonë përtej të gjitha është te mekanika e zgjidhjes që ndërmorëm. Do duhej që me ata gjyqtarë siç i kishim ndërto institucionet, dhe për çdo gjyqtar dhe prokuror që nuk kalonte vetingun nuk fillojë procesin për gjyqtarin e dytë, pa gjetur burimin ku do plotësosh atë gjyqtar që ke hequr. Drejtësia e vonuar është drejtësi e mohuar. Ka njerëz që kanë vdekur pa marrë drejtësi. Qëllimi ishte i mirë, këtu patjetër duhej bërë një reformë e thellë në sistemin e drejtësisë siç duhet bërë një reformë e thellë në politikë. Çështja e fundit e MCA-së na ka nxjerrë që këtu kemi nevojë për një reformë të thellë edhe në hallkat e tjera në sistemit juridik shqiptar, si përmbaruesit. Masakrat që janë bërë deri tani ku janë prekur 100 mijë njerëz”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
