Një ndalim i marrjes me qira të skuterëve elektrikë ka hyrë në fuqi në Paris, si përgjigje ndaj një numri në rritje të personave të plagosur dhe vrarë në kryeqytetin francez.
Pothuajse 90% e atyre që morën pjesë në votimin e prillit për këtë çështje ishin në favor të ndalimit, por më pak se 8% e atyre që kishin të drejtë dolën për të votuar.
Parisi është tani kryeqyteti i parë evropian që ka nxjerrë jashtë ligjit automjetet elektrike të marra me qira, pesë vjet pasi u bë një nga qytetet e para që i miratoi ato.
Skuterët elektrikë të aksesueshëm nga telefonat inteligjentë nëpërmjet aplikacioneve mbërritën në kryeqytetin francez në vitin 2018 dhe bashkia kërkoi të rregullonte përdorimin e tyre në vitin 2020 me ligje të caktuara, duke kufizuar numrin e operatorëve të autorizuar në tre.
Pas ankesave të shumta të qytetarëve të Parisit, në muajin prill në qytet u mbajt një referendum për ndalimin e marrjes me qira të skuterëve elektrikë.
Referendumi pati një pjesëmarrje të ulët, ndërsa 90 për qind e votuesve ishin për t'i dhënë fund këtyre shërbimeve. Tani, skuterët e fundit të marrë me qira janë tërhequr nga rruga.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
