Ndërkohë që raportohet për dhjetëra civilë të vrarë nga sulmet e Rusisë në Ukrainë, qeveria e Kievit ka dalë me një kërkesë për Kombet e Bashkuara.
Qeveria e Zelensky-t kërkon që të shqyrtohet statusi i Rusisë si anëtare e përhershme në Këshillin e Sigurimit. Deklarata është bërë sot nga ministri i Jashtëm ukrainas, Dmytro Kuleba.
Ky i fundit apeloi për një rishikim ligjor të plotë dhe të paanshëm të anëtarësimit të përhershëm të Rusisë. Kujtojmë që pesë shtetet që janë anëtare të përhershme të Këshillit të Sigurimit janë: SHBA, Franca, Britania e Madhe, Kina dhe Rusia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
