Një ngjarje e rëndë ka ndodhur pasditen e sotme në një shkollë amerikane në Monterrey të Meksikës. Sipas mediave vendase, një 12-vjeçar ka qëlluar me armë zjarri 2 nxënës dhe mësuesin e tij në Kolegjin amerikan në Monterrey, Nuevo Leon duke i lënë të 3 te plagosur.
Sekretari i qeverisë lokale të Nuevo Leon, deklaroi se i mituri Federico Guevara, 12 vjeç, hyri në shkollë me një pistoletë dhe qëlloi pa dallim ndaj nxënësve të tjerë. Ndërsa zëdhënësi i sigurisë së Nuevo Leonit, Aldo Fasci konfirmoi se edhe agresori është plagosur.
“Në kamerat e sigurisë mund të shikoni të miturin të nxjerrë armën, të qëllojë ndaj një mësuesi dhe një nxënësi”, tha Fasci për një televizion lokal. “Ai qëndroi aty për pak, e drejtoi armën ndaj nxënësve të tjerë dhe pak minuta më vonë qëllon sërish. Ende nuk kemi një motiv për këtë veprim”-tha ai.
Mësohet se 12-vjecari vuante prej disa kohësh nga depresioni dhe mendohet kjo ka qenë dhe arsyeja që e ka shtyrë të kryejë këtë akt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
