Një 16-vjeçare nga Muswell Hill është bërë një nga njerëzit më të rinj në vend që ka marrë vaksinën Covid.
Esther Rich nga Muswell Hill ka një sëmundje të trashëguar gjaku, e cila çoi në heqjen e shpretkës së saj kur ajo ishte pesë vjeç.
Si ajo ashtu edhe babai i saj kanë sferocitozë të trashëgueshme dhe kategorizohen si klinikisht tejet të prekshëm, duke i bërë ata të përshtatshëm për të marrë vaksinën.
Ester ka qenë e izoluar dhe thotë se i mungon të dalë me miqtë e saj, partyt dhe të shkojë në shkollë.
“Mezi pres të shkoj me pushime, dua të shkoj në Kroaci me miqtë e mi gjatë verës. Unë gjithashtu dua shumë të shoh kushërinjtë dhe gjyshen time Xhesika”, shprehet ajo, raporton BBC.
Organizata Botërore e Shëndetësisë nuk rekomandon vaksinimin nën 16 vjeç, edhe nëse janë në një grup me rrezik të lartë.
Sferocitoza e trashëguar është një çrregullim i trashëguar ku qelizat e kuqe të gjakut kanë një formë anormale.
Kujtojmë se më shumë se 10 milion njerëz në Mbretërinë e Bashkuar kanë marrë të paktën një dozë të vaksinës koronavirus, pjesë e programit më të madh të inokulimit që vendi ka nisur ndonjëherë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
