Geron Kamberi, ekspert i marrëdhënieve ndërkombëtare tha në studion e lajmeve të MCN Tv se marrëveshja e armëpushimit mes SHBA-së, Iranit dhe Izraelit u përpoq të çlironte panikun energjetik.
Duke vijuar Kamberi tha palët duhet të arrijnë një zgjidhje të mesme.
Nuk është një marrëveshje armëpushimi tipike. Është një marrëveshje që më shumë u përpoq të çlironte ankthin energjetik apo panikun energjetik që u krijua pas mbylljes së ngushticës së Hormuzit dhe ndërmjetësimi i Pakistanit erdhi në këtë moment, edhe për shkak të një kërcënimi që u kërcënua që mund të shkonte deri në përdorimin e armëve bërthamore nga ana e SHBA-ve.
Ajo që shohim sot është një ‘deja vu’ e asaj që historia ka projektuar si fat për këtë rajon.
Palët duhet të shkojnë drejt asaj që quhet, siç ndodh rëndom në negociata të tilla, një e mesme, urojmë të jetë e artë.
Konflikti mban pezull pothuajse të gjithë ekonominë globale, çorientimit e çmimeve të naftës, gazit, lëndëve trë para etj. Më mundshmja është që të paktën goditjet ushtarake të pushojnë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
