“I zhgënjyer nga Elon Musk, por nuk mbaj mëri.” Kështu tha Presidenti i SHBA-së Donald Trump, i cili nuk e përjashton një pajtim me numrin një të Teslës pas përplasjes së ditëve të fundit dhe pas kritikave të ashpra që vetë Musk i kishte drejtuar projektligjit të shpenzimeve të administratës amerikane.
Në një forum të New York Post, Trump tha se nuk kishte ndjenja të këqija ndaj Musk, por se ishte vërtet i befasuar që kjo ndodhi.
Projektligji po përpunohej kaq mirë, por kur Musk e sulmoi nuk isha i lumtur për këtë. U zhgënjeva nga Musk, por gjëra të tilla ndodhin dhe nuk e fajësoj për asgjë.
I pyetur nëse ai dhe Musk mund të pajtoheshin, presidenti amerikan u përgjigj: “Mendoj se po”, por “funksioni im i vetëm tani është ta kthej këtë vend në një nivel më të lartë se kurrë më parë. Dhe mendoj se mund ta bëjmë këtë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
